Үтрээний үрэвсэл нь үтрээний хэвийн орчин өөрчлөгдөж, салст үрэвсэн өнгөтэй, үнэртэй шүүрэл гарах, загатнах зэрэг шинжээр илэрдэг өвчин юм. Энэ нь аль ч насны эмэгтэйд тохиолдож болох бөгөөд эрт илрүүлж, тохирох эмчилгээ хийх нь хүндрэлээс сэргийлдэг.
Яагаад үтрээний үрэвсэл үүсдэг вэ?
- Нянгийн халдвар
- Мөөгөнцөр
- Бэлгийн замын халдвар
- Үтрээний хэвийн орчин алдагдах /антибиотик удаан хугацаанд хэрэглэх, цэвэршилтийн дараа эстроген дааврын хэмжээ багасах гэх мэт /
- Зарим эмэгтэйчүүдийн саван, анхилуун үнэртэн зэрэг химийн нөлөөтэй бүтээгдэхүүн ихээр хэрэглэх гэх мэт олон шалтгааны улмаас үүсэж болно.
Ямар шинж тэмдэг илэрдэг вэ?
- Үтрээний шүүрлийн өнгө өөрчлөгдөх, эвгүй үнэртэй хэвийн бус ялгадас гарах
- Үтрээ болон гадна бэлэг эрхтний орчимд тасралтгүй загатнах, хорсох
- Үтрээ, гадна бэлэг эрхтэн хавдаж, улайж өвдөх
- Бэлгийн харьцааны үед өвдөлт мэдрэгдэх
- Бага зэрэг цусархаг ялгадас сарын тэмдгийн бус үед гарах
Үтрээний үрэвслийн үеийн эмчилгээ
1. Шалтгааны эсрэг эмчилгээ
- Үтрээний үрэвслийн үед хамгийн чухал алхам нь шалтгааныг зөв тодорхойлж, түүнд тохирсон эмчилгээ хийх юм.
- Нянгийн гаралтай бол антибиотик хэрэглэнэ.
- Мөөгөнцрийн шалтгаантай бол үед мөөгөнцрийн эсрэг эм хэрэглэнэ.
- Бэлгийн замын халдварын шалтгаантай тохиолдолд тухайн халдвар үүсгэгчийн эсрэг эмчилгээ хийнэ.
2. Шинж тэмдгийг намдаах эмчилгээ
- Үүнд загатнах, хорсох, өвдөхийг намдаах, үрэвссэн хэсгийг тайвшруулах зорилготой тос, лаа, зарим үед уух эм хэрэглэнэ.
3. Дахилтаас сэргийлэх эмчилгээ
- Өвчин дахихаас сэргийлэхийн тулд эмчилгээг бүрэн дуусгах нь маш чухал.
- Үүнтэй зэрэгцэн үтрээний хэвийн орчныг дэмжих ургамлын найрлагатай “Лукол + В гель” -Эмэгтэйчүүдийн багцыг хэрэглэснээр үтрээний бичил орчны тэнцвэрийг хадгална.
.jpg)
