Зуны улиралд Монгол орны ихэнх нутгаар бороо үргэлжлэн ордог. Үүнтэй зэрэгцэн хүн амын дунд суулгалт, гэдэсний халдварт өвчин нэмэгдэх нь нийтлэг үзэгдэл болоод байна. Ялангуяа модон жорлон ашигладаг хөдөө орон нутаг, гэр хорооллын бүсүүдэд энэ асуудал илүү хурцадмал байдаг.
Яагаад?
Бороо орох үед хөрс ус шингээж дийлэхгүй болж, бохир усаар дүүрдэг. Энэ үед ил задгай байрлах модон жорлонгийн бохир ус хөрсөнд нэвчиж, ойр орчмын ундны усны эх үүсвэрийг бохирдуулдаг. Үүний үр дүнд гэдэсний халдварт өвчин үүсгэгч бактериуд (жишээ нь: эшерихын савханцар, дизентерийн савханцар, сальмонелл, холерын вибрион гэх мэт) ундны усаар дамжин хүний биед орж, суулгалт үүсгэдэг.
Хамгийн ноцтой нь энэ төрлийн бохирдол илрэхгүй, үнэргүй, харагддаггүй учраас хүмүүс эрсдэлтэй ус, хоол хүнс хэрэглэсээр байдаг.
Суулгалт яагаад зуны улиралд элбэг тохиолддог вэ?
- Хоол хүнс хурдан мууддаг.
- Бороо их орж, хөрсний болон усны бохирдол нэмэгддэг.
- Жимс, хүнсний ногоог угаахгүй идэх нь түгээмэл.
- Хөргөгчид хадгалагдаж буй хоолонд хүйтэн орчинд ч үржих бактериуд амархан идэвхждэг.
- Түүхий болон болгосон хүнсийг хамт хадгалах нь хоорондоо бохирдох нөхцөлийг бүрдүүлдэг.
Урьдчилан сэргийлэх аргууд:
- Усыг заавал буцалгаж хэрэглэх
- Хоол хүнсийг сайтар болгож, шинээр бэлтгэж идэх
- Жимс, ногоог угаах эсвэл ариутгах
- Гараа тогтмол угаах: хоолны өмнө, бие зассаны дараа
- Модон жорлонг усны эх үүсвэрээс хол, цэвэр байлгаж, ариутгах
- Шавьж устгаж, орчны ариун цэврийг сахих
ӨВДСӨН ТОХИОЛДОЛД АВАХ АРГА ХЭМЖЭЭ
Суулгалт хөнгөн үед гэрийн нөхцөлд дараах байдлаар эмчилж болно:
1. Шингэн нөхөх
- Буцалсан ус, эсвэл гэрийн нөхцөлд хийсэн шингэн нөхөх уусмал уулгах
- Жижиг хүүхдэд бага багаар ойр ойрхон уулгах нь чухал
2. Диарекс эм хэрэглэх
- Диарекс нь байгалийн гаралтай, гэдэсний халдварын эсрэг үйлчилгээтэй, суулгалтыг намжааж, гэдэсний үйл ажиллагааг хэвийн болгодог.
- Насанд хүрэгчид болон 6-аас дээш насны хүүхдэд хэрэглэхэд тохиромжтой
- Ихэнх тохиолдолд эмийн зааврын дагуу 1-2 шахмалыг өдөрт 2-3 удаа ууна.
⚠️ Хэрэв 2 хоногийн дараа суулгалт зогсохгүй байвал, эсвэл өвчтөнд:
- Өндөр халууралт
- Цустай суулгалт
- Бөөлжих, ухаан балартах зэрэг шинж тэмдэг илэрвэл яаралтай эмчид хандах хэрэгтэй!
.jpg)
Дүгнэлт
Зуны улиралд суулгалт зүгээр нэг "хоол таараагүй" асуудал биш – энэ нь халдварт өвчний анхны дохио байж болно. Модон жорлон, бохир ус, угаагаагүй хүнс нь суулгалт үүсэх гол шалтгаан учраас хувийн болон орчны эрүүл ахуйг сахих нь маш чухал.
Харин өвдсөн тохиолдолд Диарекс зэрэг аюулгүй, байгалийн гаралтай эмийг шингэн нөхөх эмчилгээтэй хавсарч хэрэглэснээр хурдан эдгэрэх боломжтой.
