Нойргүйдэлтэй эсэхээ сонжоорой.

Чанартай нойрсох, хангалттай унтах хоёр эрс ялгаатай ойлголт юм. Унтаж байгаа нийт хугацаагаар хангалттай унтах хэмжээг тодорхойлдог бол нойрны чанарыг хэр сайн унтаж байгаагаар тодорхойлдог аж. Чанартай нойр авах нь биднийг эрч хүчээр хангах гол зүйл билээ. Доорх асуумжаас та нойргүйдэлтэй эсэхээ тодорхойлоорой.

Эдгээр шинж тэмдгээс нэг болон түүнээс олон шинж тэмдэг илэрвэл та нойргүйдэлтэй. 

1. Орондоо орж унтахаар хэвтээд 30 минут эсвэл түүнээс дээш хугацаа өнгөрсний дараа л унтаж чадах.

2. Шөнө олон дахин сэрдэг, эдгээр сэрүүн байх үеийн нийлбэр нийт 30 минутаас их байх.

3. Өглөө сэрүүлэг дуугарахаас 30 минутын өмнө сэрэх.

4. Бат бөх унтахгүй, гүехэн нойрсох

Нойргүйдлийг юу даамжруулдаг вэ?

  • Нойргүйдэлтэй нүүр тулж буй хүн унтаж, нойроо авахын тулд орон дотроо илүү их цагийг өнгөрүүлж эхэлдэг. Гэвч их цагаар унтлаа гээд энэ нь нойрны чанарт нөлөөлдөггүй юм. Тиймээс орон дотроо илүү их цагийг өнгөрүүлснээр нойр улам л гүехэн болж, шөнө олон дахин сэрэх зэрэг сөрөг нөлөө үүсдэг.
  • Орондоо хэвтэж, унтахыг хүлээж байгаа боловч "ор=сэрүүн байдал" гэсэн шинэ сөрөг рефлекс үүсдэг.
  • Унтах гэж хэт хичээж эхэлдэг боловч оролдлого, хүчин чармайлт нь мэдрэлийн системийг улам л идэвхжүүлж өгдөг. Гэтэл үнэн хэрэгтээ нойр хүрэх явц нь хүнийг хичээгээгүй байхад л хүрэх ёстой юм шүү дээ.
  • Нойрны хямралаа давахын тулд эм бэлдмэл хэрэглэж хэвшээд цаашид эмгүйгээр унтахаас эмээж эхэлдэг.
  • Нойргүйдлийн талаарх мэдээллийг идэвхтэй судалж, бусадтай ярилцан нойрондоо хэт их анхаарал төвлөрүүлснээр тайван унтаж амрахад бэрх болдог. 

Нойргүйдэлтэй бол ямар арга хэмжээ авах вэ?

  • Өдөр болгон тодорхой нэг цагт унтаж, нэг цагт босож байх.
  • Амралтын өдрүүдэд хэт их унтахгүй байх.
  • Өдрийн хоолны дараа кофеин агуулсан бүтээгдэхүүн хэрэглэхгүй байх.
  • Өдрийн цагаар унтахгүй байх.
  • Долоо хоногт 4-5 удаа 30-40 минутын турш биеийн тамирын дасгал хийх.
  • Унтахаасаа 3-4 цагийн өмнө хоол идэх.
  • Унтахаасаа 2 цагийн өмнө биеийн тамираар хичээллэхгүй байж, сэтгэл санааны болон тархины ачаалал авахгүй байх.
  • Харанхуй, нам гүм, агааржуулалт сайтай өрөөнд, тав тухтай орон дээр унтаж амрах.
  • Ургамлын найрлагатай, тархи амрааж, тайвшруулах нөлөөтэй эмийг сонгон хэрэглээрэй. 
  • Хэрвээ та өөрөө нойрны асуудлаа шийдэх гэж хичээгээд сарын хугацаанд шийдэж чадаагүй л байх бол мэргэжлийн хүнд хандаарай. 

Зураг дээр даран бүтээгдэхүүнийн дэлгэрэнгүй мэдээллийг аваарай.